SIR ALEX AMBATIZA WAKALA WA POGBA, MINO RAIOLA, 'FUKO LA MA....'!

Details alanus

Created: Wednesday, 05 July 2017 09:21

 

BOSI wa zamani wa Manchester United Sir Alex Ferguson amembatiza Wakala Mino Raiola 'Fuko la Ma**.' (Sh** Bag).

Sir Alex, ambae alistaafu kuwa Meneja wa Man United Mwaka 2013, alitoa kauli hiyo Juzi alipohojiwa kwenye Klabu ya Raga iitwayo Sale Sharks.

Minola Raiola ni Wakala wa Wachezaji aliezaliwa Italia na sasa ni Raia wa Holland na huongoza Mastaa wakubwa kadhaa wakiwemo Paul Pogba na Zlatan Ibrahimovic.

Huko nyuma, Ferguson ashawahi kumponda Raiola na hasa kwenye Maandishi ya Kitabu cha Maisha yake.

Kwenye Kitabu hicho, Sir Alex aliandika: "Kuna Mawakala wa Wachezaji mmoja au wawili siwapendi kabisa na huyu Mino Raiola ni mmoja wao!"

Na sasa tena, Sir Alex, mwenye Miaka 75, amemponda Wakala huyo ambae mara kwa mara huingia kwenye migogoro na Vilabu wanavyochezea Wachezaji anaowawakilisha hasa kutokana na staili yake ya undava.

Juzi alipoulizwa kuhusu Pogba ambae chini ya Ferguson, akiwa Kinda tu, aligomea Mkataba Mpya na kutimkia Juventus baada ya kushauriwa na Wakala Raiola.

Ferguson alijibu: "Paul Pogba? Alikuwa na Wakala mbovu, 'Fuko la Ma.....'!!"
Ferguson aliongeza: "Tulimtambua Pogba ni Kipaji na bado ni Mchezaji mzuri! Tulimpa Mkataba mzuri!"

Licha Ferguson kutaka Mchezaji huyo abakie Man United, Pogba, kwa msisitizo wa Raiola, aligomea Mkataba Mpya na ikabidi auzwe kwa Juventus Kwaka 2012.

Lakini Agosti Mwaka Jana Man United ikamnunua Pogba kwa Dau la Rekodi ya Dunia la Pauni Milioni 89.

Msimu uliopita, Pogba aliichezea Man United Mechi 30 akifunga Bao 5 na kukiwezesha Kikosi cha Jose Mourinho kutwaa Ngao ya Jamii, EFL CUP na UEFA EUROPA LIGI.