Samatta aandika ujumbe huu kwa Watanzania “Hili lilikuwa darasa tosha kwetu sote, Ulikuwa ni wakati wa kila mmoja wetu kwa nafasi yake kujifunza kitu”

Wakati michuano ya Afcon ikiendelea nchini Misri huku Tanzania ikitolewa mapema kwenye makunbdi baada ya kupoteza michezo yote mitatu Nahodha wa Tanzania Mbwana Ally Samatta ameamua kuandika ujumbe huu kwa Watanzania:

Tanzania’s forward Mbwana Samatta (R) is marked by Algeria’s defender Mehdi Tahrat during the 2019 Africa Cup of Nations (CAN) Group C football match between Tanzania and Algeria at the Al Salam Stadium in the Egyptian capital Cairo on July 1, 2019. (Photo by JAVIER SORIANO / AFP)

“Ilikuwa ni ndoto ya kila mtanzania kuona tunashiriki michuano ya #AFCON na sote tulifurahia kupata nafasi hii. Tunafahamu watanzania walitamani timu ifanye vizuri na kufika mbali, hata sisi wachezaji hilo lilikuwa lengo letu namba moja lakini hali halisi imefuta ndoto zetu.
Tunawashukuru mashabiki wote mliotuunga mkono katika kipindi chote kuanzia maandalizi hadi leo, nawaomba mfahamu tu kuwa hili lilikuwa darasa tosha kwetu sote. Ulikuwa ni wakati wa kila mmoja wetu kwa nafasi yake kujifunza kitu.
Tuendelee kushikamana.
HAINA KUFELI”

By Ally Juma.