LIGI KUU ZENJI HATUA YA NANE BORA KUANZA KUTIMUA VUMBI JULAI 9

by alanus

Baada ya mapumziko ya mwezi mmoja ya Ligi Kuu Zanzibar, timu ya Okapi ya Msuka kisiwani Pemba imeanza mazoezi kwa ajili ya kujiandaa na michezo yake ya ligi hiyo hatua ya nane bora inayotarajiwa kundelea Julai 9 mwaka huu visiwani hapa.

Okapi inatarajiwa kushuka katika kiwanja cha Gombani kisiwani Pemba kumenyana na maafande wa JKU wakati wa saa 10.00 jioni.

Msemaji wa timu hiyo, Hamad Sharia Juma alisema kuwa pamoja na kikosi chake kuanza mazoezi kidogo kidogo katika kipindi cha Ramadhani, lakini hivi sasa mazoezi mazito yanaendelea.