CEO wa Simba, alipoulizwa hatma ya Aussems kwakutofikia target

Simba SC baada ya kuwa na msimu mzuri katika Ligi ya Mabingwa Afrika msimu 2018/19 kiasi cha kufika robo fainali, muwekezaji wa timu hiyo MO Dewji alitangaza kuwa wamempa kocha wao Patrick Aussems malengo ya kufikia.Simba SC ilidaiwa kumpa target kuwa msimu huu wa 2019/20 anatakiwa afike nusu fainali ya michuano ya Ligi ya Mabingwa Afrika kwa bahati mbaya Simba SC ikatolewa na UD Songo round ya awali, vipi hatma ya kocha Aussems wataendelea nae tena au anatafutiwa mbadala? CEO wa Simba SC Senzo Mazingiza amefunguka kupitia AyoTV. “Hadi sasa Mr Patrick Aussems ni kocha wa Simba SC anaendelea kufanya kazi yake kuna vitu vingi msimu uliopita na sasa tunafanyaje sasa tukirudi nyuma (kumuondoa) tunaharibu kila kitu kwa sababu hatujafikia malengo yetu? tunatakiwa kutafuta njia ya kuhakikisha klabu inakuwa imara na inacheza vizuri ila hadi sasa Patrick Aussems anaendelea kuwa kocha wa Simba”